„Богатството на човекот се мери според бројот и квалитетот на пријателите што ги има.” Општина Охрид од денес е побогата за уште еден пријател.
Со градоначалникот Filip Zoričić потпишавме меморандум за пријателство и соработка помеѓу Општина Охрид и Grad Pula . Се обврзавме со овој меморандум во рамките на своите можности и надлежности, да соработуваме во областите на делување на овие две единици на локалната самоуправа и тоа: економија, култура, образование, туризам, наука и истражување, ИТ технологии, младински прашања, здравство и социјална политика, јавни услуги, заштита и зачувување на културното наследство, заштита на природната средина, спорт и други области од заемен интерес.
Ова поврзување со Пула е од особено значење за нас бидејќи ќе имаме можност да ги користиме нивните искуства во изработката и поднесувањето на проекти до Европските фондови, искуствата во надоградувањето на концептот „Паметен град“ , развојот на туризмот и други области клучни за нас.
Се радувам што бројот на пријатели на Охрид континуирано се зголемува и тоа со искрени пријателства кои резултираат со конкретни соработки. Нашата замисла е да градиме мостови на пријателства и тоа го продолжуваме со идни соработки.
