Душко Трајчев од село Облешево од мал останува парализиран односно ја губи можноста да оди. Како што вели како дете одел само една година, за потоа да ја изгуби оваа можност и голем дел од својот живот да го помине ползејќи. Неговото семејство грижејќи се за него го носеле по многу болници, лекари, на разни места, но лек немало. Еден ден неговиот татко го однел во црквата Света Петка во село Видовиште, каде преноќил и се измил со лековитата вода. Од тогаш цврство застанал на нозе.
„Дојдеме тука и ме остават кај олтарот да поспијам малку. Сабајлето однесат ме на водата Света Петка, измијат ми нозе и донесат ме. Тогаш јас станувам на нозе и се фатам на орото“ – вели Трајчев.
Од тој ден до денеска Трајчев својата приказна ја раскажува секому, потренцирајќи дека ова место е свето и лековито. Многу луѓе ги упатувал лек за своите болести да бараат токму во црквата Света Петка во село Видовиште.
„Јас сум и други луѓе доведувал овде, бидејќи јас овде сум најдел лек. Дај боже сите кои се немоќни да најдат лек за својата болест“ – вели Трајчев.
Црквата Света Петка вчеравечер беше посетена од голем број верници кои дојдоа да запалат свеќа
и да се помолат за здравје и среќа.Видео Тука М-нет
Текст Лаура Стојанова Кирчов, М-Нет
