РАБОТНИ СРЕДБИ СО ЧЛЕНОВИ НА МПС ОД РЦ ЗА ГР “ЈУГ” И СВР “ВЕЛЕС” ПРИ СОВЕТИТЕ НА МПС – РЦ ЈУГ И ВЕЛЕС
Почитувани,
На ден 10.07.2025 година,
делегација на МПС во состав Генерален секретар Зоран Крстев, Претседател на ОО РЦ Југ 3 Ристо Гроздановски и Претседател на ОО Велес Игор Ѓорговски остварија работни средби со полициски службеници членови на МПС од ПС за ГП и ГН „Меџитлија“, ПК “Градско” и со Командирот на ПС за ГП и ГН „Меџитлија“ Деан Симоновски,.
Целта на средбите беше директна комуникација со членовите на МПС , согледување на актуелните предизвици и услови за работа, како и разгледување на предлози и иницијативи за подобрување на работно-правниот статус и условите за работа на полициските службеници.
Претставниците на МПС ги информираа присутните членови за тековните активности на синдикатот, постоечките иницијативи и заложби во насока на унапредување на правата на вработените во МВР.
Работните средби поминаа во конструктивна атмосфера со взаемна поддршка и отворен дијалог.
Македонскиот полициски синдикат останува посветен на унапредување на положбата на сите свои членови низ целата држава преку директна комуникација и синдикална солидарност.
Воедно од страна на делегацијата на МПС во ПС за ГП и ГН “Меџитлија” и ПК “Градско” донирани се два инвертер клима уреди со цел подобрување на услови за работа на вработените.
Со почит,
МАКЕДОНСКИ ПОЛИЦИСКИ СИНДИКАТ
