Нови законски решенија за игрите на среќа и брзи кредити, најави премиерот Христијан Мицкоски од Кочани. Првиот се однесува на новиот закон за игри на среќа, кој ќе донесе значителни измени, а вториот се фокусира на брзите кредити. Мицкоски истакна дека има сериозни сомнежи дека овие компании се појавуваат во близина на казината, што создава значителни проблеми за граѓаните, кои често се принудени да користат вакви услуги поради финансиски тешкотии. Премиерот додаде дека многумина од овие корисници решаваат да ја напуштат Македонија, што претставуваат негативен ефект за државата. За да се спречи понатамошен негативен развој, Владата планира да предложи ново законско решение, кое ќе има за цел да ја заштити здравата нација и да ги подобри условите за живот во земјата.
,,Јас најавив како влада работиме на два проекта. Едниот е новиот закон за игри на среќа, каде што ќе има огромни измени, а следен проект е токму ова. Бидејќи некако случајо до оние апаратите, односно казината кои што ги гледаме никнуваат ваков тип на компании за брзи кредити. Дали е тоа случајно, јас сум убеден дека не. Најголемиот дел од граѓаните кои што во суштина имаат финансиски проблеми, а дел и од нив одлучуваат да одат надвор од Македонија, се токму тие кои што се корисници на ваков тип на услуги. Така да многу внимателно го следиме процесот и многу скору ќе излеземе и со такво законско решение. Затоа што мислиме дека иднината не треба да биде во таа насока, на една држава и здрава нација како што амбицира да создаде оваа влада.“, рече Мицксоки
Според Мицкоски, оваа практика има негативен ефект врз граѓаните со финансиски проблеми и создава притисок врз здравјето на нацијата. Новиот закон ќе има за цел да спречи понатамошен раст на овие компании и да ги заштити граѓаните од негативните последици.
