Васил Јанкула попладнево околу 18.00 часот пристигна во својот град Ресен и го заврши својот огромен подвиг поминувајќи над 900 км. со својот трицикл околу цела Западна Македонија за само 7 дена. Тој ги помина градовите, Ресен, Битола, Прилеп, Велес, Скопје, Тетово, Гостивар, Дебар, Струга, Охрид и преку Галичица денеска се врати дома. Со него за целото време беа неговиот тренер Тони Ангеловски, кој исто така возеше велосипед, како и неговиот брат Иле Јанкуловски и другарот Никола Кузманоски кои ги пратеа со возило.
Во Ресен беше дочекан од голем број свои сограѓани и од градоначалникот кои му организираа свечен пречек.
„Преспанскиот херој“, кој е лице со церебрална парализа, докажа дека навистина „Сите сме исти“ и дека лицата со хендикеп често пати можат да направат многу поголеми дела и од другите лица во општеството.
Екипата на Инфо Компас, која објавуваше информации за Васил од почетокот на неговиот подвиг, му го честита овој огромен успех !!!
