14.9 C
Ohrid
четврток, март 28, 2024
ПочетнаМакедонијаМакедонските вина ќе можат да се промовираат во Хрватска

Македонските вина ќе можат да се промовираат во Хрватска

Македонските вина ќе можат да се промовираат во Хрватска со нивните географски називи. Проблемот со пласманот што неодамна се појави поради спорните одредби од новиот Закон за вино на Република Хрватска, кои имаа рестриктивен карактер кон вината со потекло од Република Северна Македонија, преку комуникација со хрватските власти успешно е надминат.

Овие одредби, како што соопшти Министерството за земјоделство, шумарство и водостопанство, не беа во согласност со Регулативата 1308/2013 што е облигаторна за Хрватска, како земја членка на ЕУ, ниту со Дополнителниот Протокол за вино меѓу нашата земја и ЕУ, како основен документ што целосно ги регулира односите меѓу Северна Македонија и ЕУ од аспект на виното. Во решавањето и надминувањето на проблемот, како што се наведува, учествуваа и претставници на Европската Комисија.

„Најзасегнати од овој проблем беа винарските визби кои извезуваат вино во Република Хрватска. Им беше забрането во било која форма да го рекламираат и промовираат виното од нашата држава се географските називи. Ваквите рестрикции ќе предизвикаа намалување на продажбата во маркетите, кои постоеше реална опасност да престанат да го набавуваат македонското вино“, се вели во соопштението од МЗШВ.

Министерот за земјоделство, шумарство и водостопанство Љупчо Николовски изминатиот период, како што се наведува, имаше интензивни работни средби со амбасадорката на Република Хрватска Данијела Баришиќ, а беше испратено и писмо до хрватскиот министер за земјоделство Томислав Толушиќ.

„Сега вината со потекло од Република Северна Македонија ќе можат да се рекламираат и промовираат во Република Хрватска. Ова е од големо значeње за винарските визби бидејќи Хрватска е втора извозна дестинација за вино во шише од Македонија. Со брзо надминување на проблемот винарските визби повторно го нормализираа своето работење, односно продажбата на вина на пазарот во Хрватска, пред почетокот на летната туристичка сезона кога има и најголема побарувачка за вино“, стои во соопштението од МЗШВ.

spot_img
spot_img
ПОВРЗАНИ СТАТИИ

Најпопуларни

Повеќе постови

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...

Дуел Ковачевски-Мицкоски на трети април!

Во Среда на 3 април, ден пред стартот на предизборната кампања за претседателските и парлемнатрните избори, Канал 5 телевизија ќе има чест да ви...