5.4 C
Ohrid
недела, декември 8, 2019
Почетна Македонија СУДИР НА ИНТЕРЕСИ Антикорупциска: Не може фирмата на советникот Нефи Усеини да...

СУДИР НА ИНТЕРЕСИ Антикорупциска: Не може фирмата на советникот Нефи Усеини да урива дивоградби во Охрид

Translate (Eng):[gtranslate]

По објавениот тендер на Општина Охрид за избор на фирма која ќе ги руши дивоградбите во Охрид, на кој меѓу двете фирми кои доставиле понуди е и фирмата во сопственост на членот на советот на Општина Охрид, Нефи Усеини, кој е сопственик и на пицеријата – дивоградба кај Чинарот во Охрид, Антикорупциска комисија укажува дека има ограничувања „кои се однесуваат на службените лица во соработка со правни лица, што се во нивна сопственост или во сопственост на нивни блиски лица“.

Целта, како што соопштуваат од Антикорупциска комисија, е да се спречи потенцијален судир на интереси што ќе настане доколку не се почитуваат тие ограничувања.

„Службено лице во вршењето на својата функција, јавни овластувања или должности не може да воспостави деловни односи со правно лице кое е во негова сопственост или во сопственост на член на неговото семејство или во кое тој или член на неговото семејство поседува акции или удели или кое го основал тој или член на неговото семејство или во кое одговорното лице е член на неговото семејство.

РЕКЛАМА

Имено, фирма што е во сопственост на лицето Нефи Усеини, или во сопственост на негови блиски лица, не може да воспостави деловни односи со Општина Охрид, каде истото лице е член на совет. Доколку, службеното лице постапи спротивно на овој член, на склучениот договор се применуваат одредбите за ништовност на договорот од Законот за облигационите односи“, се вели во соопштението од Антикорупциската комисија.

 

- Реклами -