15.9 C
Ohrid
понеделник, април 15, 2024
ПочетнаМакедонија20 ГОДИНИ ПОТОА ОКТА ја продадовме за 32 милиони долари, досега на...

20 ГОДИНИ ПОТОА ОКТА ја продадовме за 32 милиони долари, досега на Хеленик петролеум им плативме казна од 40 милиони, а ќе има уште

ОКТА ја продадовме за 32 милиони долари, досега на Хеленик петролеум им плативме казна од 40 милиони долари, а ќе има уште.

Деновиве македонската Влада го очекува датумот за рочиште во Арбитражниот суд во Париз на жалба на грчката компанија Хеленик петролеум против македонската држава за непочитување на договорот од 1999 година за купување на тогашната скопска рафинерија ОКТА.

Според овој договор, Македонија се обврза 20 години (рокот истече годинава) да купува 500 илјади тони мазут годишно. Уште тогаш исполнувањето на оваа бројка беше речиси невозможна.

Хеленик петролеум уште во 2009 година покрена постапка, по што Македонија плати 40 милиони долари казна за непочитување на дел од одредбите на договорот за купопродажба на ОКТА. Од 2008 до 2011 година воопшто и не беше откупуван мазут. По завршување на важноста на договорот, јуни годинава, Хеленик петролеум повторно поднесе тужба и сега бара уште 32 милиони долари, кои со камата ќе достигнат до 40 милиони.

ОКТА од 2013 година не работи веќе како рафинерија, но обврската од договорот остана.

Од Владата велат дека веќе се во преговори за да се изнајде решение со кое би се намалила потенцијалната штета врз буџетот, направена пред 20 години.

Договорот за купопродажба на ОКТА беше склучен пред 20 години, кога премиер беше Љубчо Георгиевски. Договорот го потпиша Борис Стојменов, тогашниот министер за финансии.

Ова беше еден од првите договори за продавање на државна на странска компанија, по што се појавија голем број на новинарски написи за сомневања за поткуп на високи државни функционери. Експертската јавност постојано критикуваше дека договорот е штетен за интересите на државата, не само поради обврските за мазутот, туку и по разни други основи. За купопродажбата, социјалдемократите повеќепати го прозиваа и Никола Груевски дека од позиција на министер во тогашната влада потпишал анекси на договорот во корист на Хеленик петролеум. Но, до денеска, за овој договор не беше покрената ниту една судска постапка.

spot_img
spot_img
ПОВРЗАНИ СТАТИИ

Најпопуларни

Повеќе постови

О2: Мијалкови започнаа да градат луксузен хотел во Охрид, уништена шума стара 70 години

Во Охрид, над Горица 3 започнува градба на хотел, а за таа цел е унишена стара шума над 70 години која ја засадиле жители...

Загина познат фотограф од Гостивар, албанските партии ги откажаа митинзите

Четириесет и тригодишниот Едмонд Амзаи, познат фотограф од Гостивар и сопственик на фото-студиото „Акон“, денеска загинал во тешка сообраќајна несреќа во Велес, пренесоа медиумите...

Јелена Спенџарска: Имав хејтери оти сум од Берово, ама сепак успеав во животот.

Водителката Јелена Спенџарска е вечерашна гостинка во 11-та епизода на Бомбакис поткастот. Таа раскажува за почетоците на својата кариера, предизвиците со кои се соочувала...

Уапсен па пуштен на слобода бегалецот Грујевски

Екс началникот на Петтата управа во УБК и бегалец, Горан Грујевски вчера бил уапсен во Загреб по распишана меѓународна потерница од македонските власти но...