15.9 C
Ohrid
понеделник, април 15, 2024
ПочетнаЗабава6-годишно дете го спасило бракот на своите родители со само едно прашање

6-годишно дете го спасило бракот на своите родители со само едно прашање

“Мамо, морам ли да се венчам?” – ваквото прашање ѝ го поставил 6-годишниот син на својата мајка, блогерката и Јутјуберка Џоен Вендити, без да знае што истото би можело да предизвика. Имено, токму тие зборови ја поттикнале младата мајка да размисли.

На својот блог напишала дека прашањето на нејзиниот син најпрвин предизвикало страв во неа и се прашувала што е тоа што е лошо во нејзиниот брак – и дали нешто воопшто е лошо.

“Не, не мораш да се венчаш. Можеш да правиш што сакаш, ние само сакаме да бидеш среќен”, одговорила Џоен, на што тој со олеснување одговорил: “Ок, добро! Имено, не сакам постојано да се карам со некого”.

Во тој момент, блогерката сфатила колку нејзиното пасивно-агресивно однесување и однесувањето на нејзиниот сопруг влијаело на нивниот син. Тие се карале за секоја ситница и глупост, а честопати атмосферата во домот била ладна. Поради тоа, мајката на четири деца ги зела работите во свои раце и направила “ревизија” на изминатите неколку години: веридбата, венчавката, спонтаните абортуси, проблемите на работа, здравствените проблеми… Тие проаѓале заедно низ сето тоа, меѓутоа нивната врска страдала.

Разговарала со сопругот за проблемот и двајцата веднаш се сложиле дека нешто мора да се промени – инаку нивниот брак ќе пропадне. Тие одлучиле дека повторно мора да се заљубат еден во друг: оделе на романтични состаноци и одвојувале време за себеси.

“Никогаш не ја изгубивме својата љубов еден кон друг, но сепак сега имаме сосема нова врска. Ги пополнивме пукнатините и ја изградивме врската врз нив”.

Нивниот син го забележал тоа и сега одлучил дека еден ден, сепак сака да се венча, напишала Џоен.

“Нашиот дом повеќе не е полн со кавги и викање. Сега разговараме, се смееме и сме позитивни настроени”, заклучила таа на својот блог.

spot_img
spot_img
ПОВРЗАНИ СТАТИИ

Најпопуларни

Повеќе постови

О2: Мијалкови започнаа да градат луксузен хотел во Охрид, уништена шума стара 70 години

Во Охрид, над Горица 3 започнува градба на хотел, а за таа цел е унишена стара шума над 70 години која ја засадиле жители...

Загина познат фотограф од Гостивар, албанските партии ги откажаа митинзите

Четириесет и тригодишниот Едмонд Амзаи, познат фотограф од Гостивар и сопственик на фото-студиото „Акон“, денеска загинал во тешка сообраќајна несреќа во Велес, пренесоа медиумите...

Јелена Спенџарска: Имав хејтери оти сум од Берово, ама сепак успеав во животот.

Водителката Јелена Спенџарска е вечерашна гостинка во 11-та епизода на Бомбакис поткастот. Таа раскажува за почетоците на својата кариера, предизвиците со кои се соочувала...

Уапсен па пуштен на слобода бегалецот Грујевски

Екс началникот на Петтата управа во УБК и бегалец, Горан Грујевски вчера бил уапсен во Загреб по распишана меѓународна потерница од македонските власти но...