Лас Вегас го очекува уште една вечер од наезда на скакулци откако ентомолог од Невада ги предупредил жителите и посетителите дека овие инсекти ќе се задржат на подрачјето уште неколку недели.
Фотографиите и видеата од скакулците како скокаат под уличните светилки пред хотелите и забавните содржини започнаа да се појавуваат претходно оваа недела на социјалните мрежи.
Луѓето на Твитер ја споредуваат ситуацијата со сцени од хорор филмови, а некои споменуваат и библиски делови поврзани со знаци за апокалипса.
Сепак, ентомологот од Невада, Џеф Најт, вели дека жителите не треба да се грижат бидејќи скакулците не пренесуваат болести и не гризат, а веројатно “нема да предизвикаат ниту некаква штета на растенијата”.
Javier@javiverdin
Eнтомологот објаснил дека се работи за вообичаен пустински вид на скакулци, познати како рамнокрилести, кои се толку бројни како резултат на влажното време во зимата и пролетта. Претежно живеат во северна Аризона, пред да започнат да мигрираат на север, што е всушност и причината зошто ги има во Невада.
Особено се истакнуваат ноќе во “коцкарската Мека” бидејќи ги привлекуваат белите ултравиолетови светла. Според забележаните податоци, слична наезда на скакулци во Лас Вегас се случила четири или пет пати во последните 30 години.
