Изминатово лето на неколку локации во прекрасните предели на нашата преубава, раскошна и пребогата со природни убавини Македонија, ги снимивме првите кадри за новиот краткометражен филм – Гора Писна. На кратко, ќе ви откријам само малку од дејствието во филмот, тоа е една кратка љубовна приказна која се случила во едно подруго време од денешново. Во време невреме, во време комитско, да се биде верен и предан да две љубови, на две први сакани родината и љубената! Навистина ова не говори многу, но тоа што планираме да го прикажеме во овој краткометражен филм, верувам дека ќе допре до сите вас и ќе ве воодушеви! Сценариото, монтажата како и режијата се мои. Јас сум автор на текстот, како наратор во филмот се јавува прекрасниот и извонреден глас на нашиот добро познат македонски актер Петар Горко. Интересно е тоа што, актерите во филмот, се обични луѓе, но сите со уметнички души! Сите имаат некој стремеж кон глумата и голем талент за истата! Јас го толкувам главниот јунак во филмот, а мојата љубена (мома комита) во филмот, е токму мојата сопруга. Ви ветуваме нешто прекрасно! Имам желба да се прикаже на една од македонските телевизии бидејќи тоа што го прави медиумот, не го прави ни јутуб! (Ќе го видат сите гледачи во Македонија, дури и тие кои немаат интернет) Филмот е целосно под моја продукција, а јас сепак сум само еден обичен човек, кој ова го прави од преголема љубов кон нашето минато, кон нашата култура, традиција, богата историја и се разбира нашата најсакана земја – Македонија. Долго време ве следам како портал на интернет и страница на фејсбук па по проценка, дека вашата страница е една од најзабавните, најдобрите и најпознатите во Македонија и пошироко каде што живеат Македонци, затоа решив да ви се обратам докму вас! – Вели, Горан Марковски (чие име се потпишува како автор на овој краткометражен филм) за нашиот портал!
Gepostet von ГОРА ПИСНА am Dienstag, 25. Juni 2019
