Денешната трка од Формула 2 во Спа не го дочека својот крај откако во вториот круг дојде до голем инцидент и страшен судар во кој животот го загуби младиот Антоан Убер од Франција а во болница заврши и Хуан Мануел Кореа од Еквадор.
Страшен судар и трагедија на Ф2 трката во Спа и ГН на Белгија. Во вториот круг, младиот Антоан Убер од Франција загуби контрола на излезот од „О Руж“ удри во бариерата а кога се врати на патеката на него налета Хуан Мануел Кореа од Еквадор.
Болидот на Антоан Убер беше преполовен, а болидот на Хуан Мануел Кореа од силината на ударот полета во воздух и се преврте.
РЕКЛАМА
Трката веднаш беше прекината, а ФИА подоцна пренесе дека Антоан Убер им подлегнал на повредите. Хуан Мануел Кореа е во болница, но е во стабилна состојба.
