Ерамати Мангајама, жителка на индиската сојузна држава Андра-Прадеш, роди близначки на 74-годишна возраст, по вештачко оплодување, јави „Хиндустан тајмс“.
-Породувањето се одвиваше со царски рез. Операцијата мина без проблеми. И мајката, и новороденчињата се здрави и нема никакви компликации. Но, и покрај тоа, мајката е задржана на интензивна нега, заради смирување од преживениот стрес последниве неколку часа“, соопштија од болницата.
Возрасната мајка успеала да ги износи и да ги роди децата, зашто немала никакви медицински проблеми од типот на дијабетес и висок крвен притисок. Нема да може да ги дои девојчињата.
Мангајама и нејзиниот сопруг Раја Рао (80) се венчале 1962 година. Цели 57 години двојката се обидува да има дете. Сепак, жената забременила во јануари годинава. Инаку, таа е највозрасната жена во историјата која станала мајка.
Претходно овој рекорд го држеше, исто така Индијка – Омкари Панвар, која летото 2008 година, на 70-годишна возраст роди, исто така, близнаци.
