6.9 C
Ohrid
четврток, април 18, 2024
ПочетнаМакедонијаСпасовски: Обезбедивме нови униформи за полицијата

Спасовски: Обезбедивме нови униформи за полицијата

Полициската професија, без оглед за кој нејзин сегмент станува збор, е специфична и пред сè, крајно одговорна. Имајќи го предвид законскиот делокруг на работните задачи – токму од квалитетот на нејзиното функционирање зависи и степенот, односно квалитетот на личната и правна сигурност и безбедност на сите граѓани, и на државата, во целост, порача министерот за внатрешни работи Оливер Спасовски, на затворањето на 16. Спортски игри и средби на членовите на Македонскиот полициски синдикат во Охрид.

Затоа, како што рече, неспорна е потребата од континуирана грижа за социјално и нормативно валоризирање на професионалниот статус на полициските службеници, односно на сите вработени во МВР.

Инаку на традиционалната спортско-рекреативна манифестација со меѓународно реноме на учесниците од Македонскиот полициски синдикат им се придружија и колегите од единаесет европски земји, како и челните луѓе на европското полициско синдикално движење.

Истакнувајќи го значењето на Македонскиот полициски синдикат за полициските службеници, Спасовски говореше за приоритетот што го постави актуелното раководство на МВР за унапредување на професионалниот статус на вработените во полициските служби преку концептот за подобрување на материјално-техничките услови за работа, но и подобрување на нивната социоекономска позиција.

„Само кусо ќе ги нотирам најзначајните активност. Прво, зголемување на платите на полициските службеници, но и на сите вработени во Министерството, што, пак, од овој месец и официјално ќе се реализира. Потоа, комплетно обновување на најважниот дел од материјалните средства за работа на полицијата, полициската униформа и опремата. Комплетни униформи веќе добија Единицата за специјални задачи, потоа воздухопловниот персонал, како и Одделот за обезбедување на личности и објекти, а во тек е комплетирање на униформите за Единицата за брзо распоредување и Посебната единица за поддршка. За оваа активност обезбедивме над 100 милиони денари. Во контекст на ова би ја споменал и реализацијата на проектот за санирање и реновирање на материјално-техничката инфраструктура, во чии рамки досега веќе се завршени над 33 објекти, за кои од буџетот на министерството се издвоени над 40 милиони денари”, посочи Спасовски.

Според него, континуирано ќе се работи на реално востановување на модерна, опремена, професионално подготвена, но и задоволна полициска служба, согласно сите европски полициски стандарди.

Честитајќи им на победниците во повеќето спортски дисциплини, но и на сите учесници во игрите за успехот и за залагањето, Спасовски додаде дека негувањето на спортскиот дух, натпреварувањето и дружењето, како и можноста за дополнителна размена на професионални искуства ќе бидат силни сојузници во професионалните предизвици и ангажмани на сите учесници на Спортските игри на членовите на Македонскиот полициски синдикат.

spot_img
spot_img
ПОВРЗАНИ СТАТИИ

Најпопуларни

Повеќе постови

Пендаровски: Најмалку тројца владици во Синодот на МПЦ под руско влијание, но немаме докази дека се шпиони на руската федерална служба

Во изминатите неколку години, Македонија протера 18 руски дипломати, т.н. дипломати кои беа руски шпиони. Тоа беше направено во содејство со службите од кои...

Грејната сезона во Македонија продолжува поради временските услови

АД ЕСМ ги информира потрошувачите приклучени на системот за централно греење со кој управуваат компаниите формирани од АД ЕСМ, како и подружницата „Енергетика“, дека...

Скафандерот стана дел од мене, уште го чувам – вели Костадиновска-Стојчевска

Тој скафандер стана дел од мене, го чувам и ќе ми дозволите да ви кажам од кои причини го чувам. Јас бев две години...

Албанец одбива да прими казна оти била напишана на македонски јазик. (Видео)

Граѓанин одбива да прими казна оти била напишана на македонски јазик На социјалните мрежи се споделува видео на коешто се гледа како двајца македонски полицајци...