15.1 C
Ohrid
понеделник, октомври 21, 2019
Почетна Свет Во оваа земја од ЕУ лебот чини 52 пати поскапо од просекот

Во оваа земја од ЕУ лебот чини 52 пати поскапо од просекот

Translate (Eng):[gtranslate]

Цената на лебот и житарките во земјите од Европската унија значително се разликувале во 2018-та година. Па така цената на лебот и житарките во најскапите држави членки на ЕУ била трипати поголема отколку во најевтината држава.

Кога цените во земјите ќе се споредат со индексот на просечните цени во Европската унија кој во целина изнесува 100, резултатите покажуваат дека во 2018-та година цената на лебот и житарките била највисока во Данска со индекс на ниво на цена 152, што значи дека во Данска лебот бил поскап за 52 отсто од просечната цена на лебот во ЕУ.

По Данска следи Австрија со индекс од 135, потоа Луксембург и Финска со индекс на ниво на цена од 127.

РЕКЛАМА

Цените на лебот и житарките во 2018-та годна најниски биле во Романија со индекс од 54, а потоа во Бугарија со индекс од 62 и Полска со индекс од 68.

Во истражувањето биле опфатени цени од различни категории на производи. Доколку се набљудуваат производи и услуги со голема потрошувачка како што се храна и безалкохолни пијалоци, облека и обувки, највисоки цени се забележани во Данска и тоа со 38 отсто над просекот.

Најниска цена во земјите од ЕУ е забележана во Бугарија, поточно 49 отсто под просекот.

Што се однесува до регионот за Хрватска ова истражување покажало дека цените на производите и услугите се за 47 отсто поевтини од просечните цени на истите производи во ЕУ.

- Реклами -