Oбединета Македонска Дијаспора (ОМД) ја осудува владината одлука за вадење на македонската химна од школските учебници по основно образование. Химната е значаен столб на државноста, и изучувањето на државната химна во основните училишта суштински ги обединува младите генерации, без разлика од нивната етничка припадност. Интонација и изучување на државната химна е обележје на повеќето демократски држави во Европа и светот, каде особен акцент е ставен на обединување на сите граѓани зад заедничкиот идентитет и лојалност кон државата во која што живеат. Особено загрижувачки е фактот што одлуката за иземање на химната беше донесена после мнозина надворешени притисоци кои ја доведуваат во прашање сувереноста на Македонија. Јавен притисок врз македонските власти вршеа поддржувачите на Тиранската платформа, кои директно побараа промена на химната во 2017, како и Грција и Бугарија, кои повикаа на иземање на македонскиот идентитет од државните обележја, вклучувајќи ја и химната.
Вклучително, нејзиното иземање од школските учебници е втор скандал поврзан со химната. Неодамна, за време на изведбата на „Денес над Македонија“ во Амбасадата на САД по повод 4ти Јули, Тамара Тодевска намерно или ненамерно изостави значителни делови од химната. Овие постапки поттикнуваат сомненија дека прво погрешната интонација, а второ иземањето на химната од школските учебници, се насочени напори кон менување на државните симболи и комплетно поткопување на македонскиот идентитет.
ОМД е загрижена поради овие одлуки кои го поткопуваат македонскиот патриотизам, и очекува враќање на химната во школските учебници во најкратко можно време.
