11.9 C
Ohrid
среда, април 17, 2024
ПочетнаАвстралијаПрослава на разноличните култури на Нов Јужен Велс во текот на Мултикултурниот...

Прослава на разноличните култури на Нов Јужен Велс во текот на Мултикултурниот март

Media Release

Петок, 8 март 2024
Успешното мултикутурно општество на Нов Јужен Велс е на увид овој месец кога Нов Јужен Велс го прославува Мултикултурниот март, сведоштво на нашето разнолично, хармонично и мултикултурно општество.
Десетици фестивали организирани од локални организации ќе се одржат ширум внатрешноста и градските области на Нов Јужен Велс, при што Владата на Нов Јужен Велс инвестира околу 250.000 долари во локални фестивали и настани, од мултикултурни фестивали во внатрешното подрачје на Сиднеј до гала настани во западен Нов Јужен Велс. Тука е и една од најголемите прослави на културата во државата – Рамаданските ноќи во Лакемба.
„Мултикултурниот март им дава на луѓето можност да размислуваат за огромниот придонес што го даваат мултикултурните заедници и да ја прославуваат нашата богата културна разноличност“, изјави Џозеф Ла Поста, главен извршен директор на Multicultural NSW.
„Секаде каде што живееме постои можност да се зближиме за да создадеме нови пријателства и да ги зацврстиме нашите врски ширум заедниците.“
Една од атракциите на месецот ќе биде Премиеровата вечера на хармонијата, на која на непознати херои на заедницата им се оддава признание за неуморната посветеност на вредностите на мултикултурализмот.
Претседавачот на Советодавниот одбор на Multicultural NSW Ник Калдас изјави: „Уште еден значаен белег на Мултикултурниот март е Мултикултурната почесна листа, оддавање посмртно признание на луѓето кои дале траен придонес за заедницата на Нов Јужен Велс, која продолжува после нивната смрт.“
„Нов Јужен Велс е дом на луѓе од сите делови на светот. Ние сме една од културно
најразноличните заедници во светот“, рече тој.
„Нашиот успех заслужува да биде признат и прославуван, а учеството во фестивали и настани е извонреден начин нашите заедници да го направат токму тоа.“
Март е исто така неверојатно значајно време за верските заедници ширум Нов Јужен Велс, кога голем број христијани го слават Велигден, хинду го слават Холи, персиската заедница го одбележува Новруз како Нова Година, а муслиманската заедница го одбележува Рамадан.
За комплетен календар на локални активности што се одржуваат во текот на Мултикултурниот март видете на www.multicultural.nsw.gov.au.

spot_img
spot_img
ПОВРЗАНИ СТАТИИ

Најпопуларни

Повеќе постови

Изјава на Советот за верски прашања на Нов Јужен Велс и на верски водачи

Изјава за медиуми Вторник, 16 април 2024 Местата за богослужба се места за мир и молитва. Луѓето кои се собираат таму не треба никогаш да се...

Владата заклучи: 24 април (среда) и 8 мај да бидат неработни денови за сите граѓани

На 16. седница, Владата заклучи 24 април 2024 година (среда) и 8 мај 2024 година (среда) да бидат неработни денови за сите граѓани на...

Да бидеме хумани! Апел за помош на Сашо Лазаровски кој по вторпат се бори со рак

Сашо Лазаровски има потреба од нашата помош. Битолчанецот, кој еднаш го победи ракот на белите дробови, сега повторно води тешка борба со оваа опака...

Таравари: Ќе гo забраниме коцкањето и брзите кредити, идната Влада ќе ги покрива долговите на граѓаните од брзи кредити“, рече Таравари

Претседателскиот кандидат Арбен Таравари денеска оствари важна посета на градот Струга, каде се разговараше за различни прашања во заедницата, почнувајќи од здравствените работници до...