ДРСКОСТА НА СЕБИЧНИТОТ ПОЛИТИЧАР:
Да се движите по “улиците“ на Шуто Оризари или популарно кажано Шутка, е навистина голем предизвик кој од вас бара одлична физичка кондиција и подготвеност на постојана авантура.
Одењето преку сите тие смрдливи канали, дупки кои само чекаат да скршат нечиј глужд или цела нога, вдлабнатини кои во секој момент можат да ве проголтаат бидејќи ќе ве натераат да лазите како во некоја видео игричка глумејќи го Индијана Џонс. Ете до толку ни стасала работата драги мои.
Да не говориме за сликите како пред Судниот ден кога паѓа дожд! Токму тогаш доаѓа до израз вистинската храброст и сила на Ромите да излезат и да се движат по улиците кои потсетуваат на стапици за мечки и волци.
Ама нека се знае, пари има за санација на улиците, но, себичните политичари мислат дека ќе живеат вечно и водат грижа само за своите интереси а народот воопшто не е важен! Ќе дојде еден ден и тоа ќе се среди. Ние тоа ќе го средиме. Ние НАРОДОТ НА ШУТКА!
Геге Демировски
