Катица Јанева не е сместена во специјално одделение во Шутка, бидејќи тоа не постои. Таа е сместена во друг оддел, вели директорот на затворот во Шуто Оризари.
“Тоа се шпекулации. Специјалната обвинителка не е сместена во, ако мислите, во хашкото одделение. Има повеќе блокови, хашкото е да речеме поизолирано. Господинот Јовановски е таму затоа што дојде прв…”
Условите во хашкото одделение во споредба со останатите простории се речиси идентични, вели Рахиќ.
Иако далеку од идеални, Рахиќ тврди дека условите во затворот кој го раководи се подобрени. Со донации од приватно лица и фирми се врши реконструкција на ќелиите, а поправена е и исхраната.
Дека се подобрува сликата за македонскиот затворски систем согласни се и надлежните лица.
“Само во Идризово ставени се лани во функција отворено и полуотворено одделение каде што се испочитувани сите затворски правила…во секоја ќелија има ТВ со 150 канали…”
Опремувањето на затворските установи беше помогнато со проект од Европската Унија вреден 46 милиони евра, кој се спроведува од 2010 година.
