На локалитетот Камени кукли во кратовското село Куклица, во сабота (28. септември, 12 часот), ќе се одржи 5-та манифестација „Шопска свадба“.
Организатор е Здружението за уметност, култура и заштита на културното наследство „Етно Ризница“ од Куманово, а се очекува масовна посетеност на манифестацијата од сите краеви на Република Македонија.
Младенците се венчаваат по традиционални обичаи од Кратовскиот крај, а годинава повторно ќе имаме вистински младоженци.
