оден е во годината кога е убиена е Роза Луксембург, кога е основан Бентли, кога е формирана Коминтерната и се родиле Евита Перон, Михаил Калашњиков и шахот Реза Пахлави. Велешанецот Милан Ристов вчера наполни еден век живот. На несекојдневниот јубилеј ги собра неговите деца, внуци и правнуци. Му се наполни срцето, оти семејството, вели, го одржува во живот.
Милан Ристов е еден од најстарите живи Велешани. Современик е на многу историски настани. До својата 27 година живеел во воени времиња, во кој и самиот бил учесник.
Иако од повоена Југославија не добил ниту боречка пензија, тоа не го скршило. Чесноста и правичноста, вели дедо Милан, е најдобриот лек за долговечност.
Често знае да ме седне, да се напиеме по една чашка ракија, раскажувајќи ми за својот живот, полн со спомени, раскажува неговиот син Благој. Тајната во неговиот долг живот се принципите, до кои сеуште се држи, вели тој.
Неговите му подготвија роденденска торта. Дувајќи ги свеќите, му посакаа здравјето да го крепи, па на овој ден да се собираат уште долго. Евита, Калашњиков и Пахлави се одамна на оној свет. Но, стогодишниот дедо Милан Ристов не се дава. Вети дека ќе се видиме и следната година, на неговиот 101 роденден.
24тв
