Весникот КОХА објави скандалозни информации за приликите во службата, каде според весникот се подготвувал бунт, а се најавени и оставки на дел од раководниот кадар поради непрофесионално работење.
Според КОХА, досега се вработени луѓе со кривични пријави против нив, а како пример е посочен началникот во Прилеп против кој има 5 кривични пријави досега. Вработени се и луѓето кои се одговорни за случајот „Сопот“, во кој обвинетие од неодамна се ослободени од обвинението, а државата им исплати оштета од 1.2 милиони евра поради неправилно судење.
Дополнително, не се вработуваат професионалци со 10-15 годишно искуство во УБК и другите безбедносни агенции, туку се одбиваат за вработување и се бркаат од службите по основи кои не се законски предвидени.
Додека трае ваквиот хаос во службата, директорот Виктор Димовски потпишал решение за вработување на Хајри Алија од селото Селце. Алија е учесник во воениот конфликт во 2001.та година како дел од терористичката организација УЧК.
На фотографијата, може да се забележи Алија заедно со командант Хоџа. Сите заедно беа во затвор на Косово, а тогаш беа уасени при обид илегално да избегаат во 2001.та при артилериското бомбардирање на Шипковица.
Истиот, вработен во УБК е сега превземен во новата Агенција за Национална Безбедост.
