15.9 C
Ohrid
петок, декември 1, 2023
ПочетнаМакедонијаТатко во вистинска смисла на зборот: Градоначалникот Митко Јанчев го зеде под...

Татко во вистинска смисла на зборот: Градоначалникот Митко Јанчев го зеде под закрила девојчето кое остана без родители

Општина Кавадарци вчера уште еднаш ја покажа својата хуманост и грижа за своите сограѓани со кои судбината си поиграла и докажа дека хуманоста и солидарноста се најсветлите точки кои треба да бидат водилки по патот на целото општество. Станува збор за случајот со 17 – годишната Марија Трајкова од Глишиќ, чиј безгрижен живот се променил во рок од неколку месеци- пишува Фокус.

Таа за краток период ги изгубила своите мајка и татко, останала со наследени долгови на име кредит од родителите, и тоа во период кога се подготвувала за новото поглавје во животот, да замине во Скопје и да ги започне студиите по медицина, на кои долго време им се радувала и ги исчекувала. Девојчето, кое е солиден ученик, од страна на Локалната самоуправа и Советот на Општина Кавадарци доби вредносен ваучер во износ од 247.808 денари, средства со кои ќе се подмират наследените обврски, со цел таа да може безгрижно да го продолжи своето образование на Медицинскиот факултет во Скопје.

Но, освен што градот решил да ги подмири долговите, таа ќе добие и стипендија. Се работи за сума од 2.000 евра годишно, која ќе ја добива во рок четири или пет години, во зависност од тоа колку ќе трае нејзиното школување. Стипендијата на Марија ќе и ја додели градоначалникот Митко Јанчев на 19-ти декември, во време кога се доделуваат и останатите стипендии, а доаѓа од фондацијата ,,Никола Јанчев”, која градоначалникот ја формираше во чест на неговиот татко, а со цел помагање и давање на поддршка на луѓе на Општина Кавадарци, на кои им е неопходна помош.

-Нашиот град нема да ја остави младата Марија среде пат! Таа е солиден ученик, девојка пред која е иднината, а во исто време и нашата иднина е во рацете на младите амбициозни луѓе како нејзе. За тоа што и се случи на Марија, за начинот на кој животот си поигра со оваа девојче, тешко е да се зборува. Ги изгуби родителите ненадејно, за кратко време, и тоа во период кога се наоѓа пред животна раскрсница, кога треба да одлучи што понатаму во животот. Како вреден ученик, и покрај се што и се случи, таа избра храбро да оди напред, да се запише на студии по медицина, а ние имаме одговорност како заедница да и помогнеме. Затоа, покрај тоа што општината ги подмири наследените долгови, фондацијата ,,Никола Јанчев”, реши да ја стипендира во иднина со по 2.000 евра годишно, додека таа студира. Јас знам дека Марија нема да не разочара. Таа е свесна и зрела девојка, која со крената глава ќе продолжи напред и еден ден нашиот град ќе се гордее со неа. Самата ни вети дека тоа ќе го постигне со труд и учење и ние веруваме во неа – вели за „Фокус“ градоначалникот Јанчев.

Марија останала првин без својата мајка, и тоа во време додека била на екскурзија со своите соученици. Таа починала ненадејно од инфаркт. Но, несреќата во нејзиното семејство повторно затропала на вратата само по неколку месеци. Во времето кога се подготвувала за матура, и нејзиниот татко починал, исто така од инфаркт. Девојката била сама, немала ниту сестра, ниту брат. Токму поради тоа, општината без двоумење решила да и помогне.

1

spot_img
ПОВРЗАНИ СТАТИИ

Најпопуларни

Повеќе постови

На здравје бричење: Две и пол години затвор за Мухамед Зеќири, и треба да врати и над 71 милион денари во државниот буџет

Мухамед Зеќири доби две и пол годишна затворска казна во предметот во кој беше обвинет за злоупотреба на службената положба и овластување, за склучување...

Од 18 декември и во Македонија се очекува да профункционира системот “Најди ме“

Министерот за внатрешни работи Оливер Спасовски рече дека се уште нема никаква трага од 14 годишната Вања Ѓорчевска, која мистериозно исчезна во понеделникот утрото. Во...

Спасовски :Добиени се податоци од електронските уреди на Вања и од семејството, пребарано е и речното корито на реката Вардар!!!

Министерот за внатрешни работи Оливер Спасовски утринава информираше дека се преземаат опсежни мерки за пронаоѓање на 14 годишната Вања Ѓорчевска, која мистериозно исчезна...

Американец до смрт ја претепал сопругата: се скарале за трошоците за мачката

84-годишен маж од американската сојузна држава Пенсилванија е обвинет за убиство на својата сопруга по расправија околу финансиските трошоци за ветеринарната нега на нивната...