Домот на ова тричлено семејство се наоѓа во општина Аеродром, и тоа, ни помалку ни повеќе – под мост.
Столб на ова несреќно семејство е синот, кој пак собира пластични шишиња за да им обезбеди најосновни средства за хигиена и за парче леб.
Мајката е нема, како последица на мозочен удар, па таткото се грижи за неа додека синот работи. Надлежните институции немаат слух за ова семејство, со оглед на тоа дека тие веќе побарале помош на неколку места.
Овие фотографии ги испратија совесни и загрижени граѓани кои гледаат како се измачува ова тричлено семејство.
Доколку ти, што го читаш ова, сакаш да им помогнеш, можеш да ги најдеш под мостот во општина Аеродром, во близина на Универзитетот ФОН. Секаква помош им е добредојдена!
Апелираме до Центарот за Социјална работа што поскоро да го најде ова семејство и да му обезбеди пристоен живот!
