10.1 C
Ohrid
петок, ноември 15, 2019
Почетна Спорт Словенците шокирани од изјавата на капитенот: Пандев ја понижи Словенија!

Словенците шокирани од изјавата на капитенот: Пандев ја понижи Словенија!

Translate (Eng):[gtranslate]

Словенечка Екипа му се налути на Горан Пандев и го обвини нашиот капитен дека ја понижил Словенија со изјавата по натпреварот на арената „Тодор Проески” и триумфот на Македонија од 2-1.

Словенија синоќа загуби во Скопје и значително си ги намали шансите за пласман на Европското првенство. И наместо проблемите да си ги бараат во сопствените редови, популарните „змајчеки“ му се нафрлија на Горан Пандев.

Весникот Екипа го обвини нашиот капитен дека ја понижл Словенија со својата изјавата по крајот на мечот, која ја опишаа како шокантна.

РЕКЛАМА

„Словенија го има Јосип Иличиќ, кој е одличен фудбалер, но нема ништо повеќе. Останатиот дел од тимот не е ниту блиску до него, а премногу лесно размислувате дека сте селекција која треба да игра на Европско првенство. И пред почетокот на мечот кажав дека Словенија не е ништо посебно, и нашата победа го потврди тоа. Да, го имате и Облак, нема потреба да се зборува за неговиот квалитет, но добар голман не може сам да ве одведе никаде. Сега ќе навивам за Словенија да ја победи Австрија, но мислам дека само со Иличиќ тешко ќе можете да се носите со противникот. Нашата судбина е во рацете на Господ“ – е изјавата од Горан Пандев која крена голема прашина.

Капитенот на Македонија всушност им ја кажа вистината на Словенците, кои и самите се свесни за ситуацијата во нивната репрезентација. Тоа го потврдуваат и дел од коментарите на објавата на Екипа, навивачите признаваат дека Горан Пандев не погрешил многу со својата анализа.

- Реклами -