Судот во Драч ја преиспита одлуката, за определување на притвор за 20 лица вклучени во скандалот за отуѓување на земјиштето во областа на заливот Лалзи во соседна Албанија, при што за дел од приведените ја потврди одлуката донесена пред два дена пренесува албански медиуми. Станува збор за поранешни службеници во Катастарот во Драч и други лица, кои беа вклучени во отуѓување на голема површина на земјиште во заливот Лалзи.
Меѓу приведените се поранешениот директор на Катастарот и поранешниот градоначалник на општина Ишм. Нивниот притвор дојде по повеќемесечна истрага за десетици просторни телефонски прислушувања, снимање и следења на лица вклучени во оваа криминална активност.
Против сите процесуирани лица, покрај истрагите за криминалните активности, започнати се и имотни истраги за имотите и банкарски сметки што можат да ги имаат на располагање тие, нивни роднини или пријатели.
Извори од Обвинителството известија дека во аферата со отуѓување на имотот вклучени се и функционери од Македонија, кои со финансиките средства кои ги стекнале со корупција купиле недвижен имот на албанскиот брег. Рочиштето за преиспитување на нивните мерки на претпазливост се одржа под бројни полициски сили.
