12.9 C
Ohrid
сабота, јули 19, 2025
ПочетнаМакедонијаПравдата победи: Дедо Љубе ослободен нема да одговара за убиство на човекот...

Правдата победи: Дедо Љубе ослободен нема да одговара за убиство на човекот кој се изживувал врз него

spot_imgspot_imgspot_imgspot_img
spot_img

Основниот суд во Куманово донесе ослободителна пресуда за Љубомир Митев (79) од Којково, на јавноста познат како дедо Љубе, кој за да ги заштити својот и животот на сопругата Царка пукаше во двајца натрапници во неговиот дом и уби еден од нив, дознава 24 Инфо.

<

Шест години траеше неговата битка да докаже дека не е виновен што кобната ноќ на 27 феврури 2013 година во неговата трошна куќа провалиле Зоран Златков и Борчо Иванов, кои во намера да ги ограбат со часови се изживувале врз двајцата старци.

Пред почетокот на судењето во април 2015 година јавноста бараше дедо Љубе да се ослободи сметајќи дека тој во самоодбрана го убил Златков и го ранил Иванов, кој по разбојништвото беше осуден на осум години затвор. Старецот беше овинет за три кривични дела-убиство, обид за убиство и за недозволено држење на оружје, но одбраната на дедо Љубе укажа на одредени пропусти во обвинението и Судот предметот го врати во истражна постапка. Сепак, и по повторната постапка Митев беше обвинет за убиство во миг, обид за убиство и недозволено држење на оружје, па новиот судски процес почна во јануари 2018 година. Во јуни годинава ОЈО Куманово го повлече обвинението за кривичното дело убиство во миг.

Според пресудата на судот, дедо Љубе е ослободен од обвинението за убиство во миг, а доби условна затворска казна од две години, која ќе се активира ако дедо Љубе во наредните четири години изврши било како кривично дело.

-Ова е страшна правна победа, сметаме дека правдата е задоволена. Ова може да биде школски пример во иднина во однос на делото нужна одбрана. Сега обвинителството е на потег, се надеваме дека нема да ја обжалат пресудата и дека дедо Љубе ќе може во мир и спокојство си ги поминува годините од староста.Како и да е, ние нема да ја обжалиме пресудата и како адвокатска канцеларија стоиме на располагање и понаму ако е потребно да се истера постапката и на повисоките судски инстанци. Најбитно е дека дедо Љубе е ослободен, изјави за 24 Инфо неговиот адвокат Христијан Георгиевски.

Извор: 24 Инфо

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Гест за почит: Скопски таксист не му наплати на Јанко – „Фала ти за љубовта кон Македонија“

Колумбиецот Јанко, кој во последните години стана препознатлив по тоа што пее песни на македонски јазик и со својата харизма ја промовира нашата култура...

Каја Шукова кандидат на СДСМ за градоначалник на Скопје

Претседателот на СДСМ Венко Филипче попладнево на прес-конференција објави уште еден дел од кандидатите за локалните избори, по состанокот на Извршниот одбор на партијата,...

Исчезнато 13-годишно девојче е пронајдено кај 33-годишен маж во Џепчиште

Рано утрово во тетовското село Џепчиште, во домот на 33-годишен маж е пронајдено 13-годишно девојче кое мајката претходно го пријавила како исчезнато, соопшти МВР....

Турист од Босна починал на плажа во Охрид.

На 17.07.2025 во 14.25 часот во СВР Охрид е пријавено дека од плажа на брегот на Охридското езеро во Ј.З.У. „Специјална болница за кардио-васкуларни...