Да имаш, па преку ноќ да снемаш. Вака најпластично може да се објасни судбината на 5 членото штипско семејство Јусуф.
Шеесет и две годишниот годишниот Кемал, кој е долгогодишен уличен менувач на девизи во месец мај бил физички нападнат на градскиот пазар, по што останува слеп на едното око. Напаѓачите прво му прснале бибер спреј во очите.
-Ме удрија со дрво по главата и имам скршеници на главата. Едното око ми е целосно уништено, а другото не знам колку, 40 % или 60 %, но слабо гледам. Рамнотежа нема, свест ми се врте, ми бучи главата, се занесувам и не можам да одам, вели Кемал Јусуф.
Приходите во семејството претходно биле редовни, а Јусуф ги остварувал секојдневно од разликата на купо-продажниот курс на девизите. При нападот му се одземени 18 000 евра, пари со кои Кемал работел. Сега веќе 6 месеци е прикован за постела и не може да остварува егзистенција за своето семејство. Од општината добиле еднократна финансиска помош.
-Општината ни помогна со 6000 денари парична помош, само еднаш. Велат натаму терајте си ја работата, од тука, толку –изјави сопругата на Кемал.
Побарале помош од Центарот за социјални работи.
-Сопругата и децата отидоа и и рекле дека толку ме следува, 3000 денари.
Сопругата на Кемал е невработена. Петчленото семејство кое живееле скромно, но добро, сега преживува со 3000 денари социјална помош и додаток за трето дете. Бараат помош од институциите, зашто велат, со тие средства не можат да ги покријат ниту трошоците за лекарства, а не пак да се прехрани семејството. Идентитетот на напаѓачите се уште останува непознат.
сител сторија.
