Статус на Филип Иванов:
Џабе ли некој рекол „Црква – сила Небесна“ 😁 Од вчера до денес, мајка Лиле ја сторивме со нови машина за перење и машина за сушење алишта!
Ви благодарам на сите кои ја споделивте објавата, и кои ме контактиравте и веќе праќате помош. Продолжуваме да ги собираме средствата за стреата на куќата, за нивното одење на бања, и за асистентите кои им се потребни.
Ристе и Владе среќни, мајка Лиле пресреќна, ние најсреќни! Господ да ве благослови сите!
Ацо Думовски на својот профил на Фејсбук забележа еден голем хуман гест за македонската мајка на храброст Лиле Димитриевска на која и е потребна нашата помош бидејќи е немоќна сама да се грижи за своите возрасни неподвижни близнаци…
Филип Иванов, пастор во Евангелската црква во Велес за Лиле и синовите донел пакет со храна но и машина за перење и сушење алишта.
“МАЛ ЧЕКОР ЗА ЧОВЕКОТ-ГОЛЕМ ЗА ЧОВЕЧНОСТА” рекол Neil Armstrong во 1969 година кога прв пат стапнал на месечината.
Ова е можеби ,,мал” поклон од Filip Ivanov пастор во Евангелска црква Велес, кој после мојата објава за мајка Lile Dimitrievska и нејзината сурова судбина, дојде меѓу првите да ја посети донирајки еден пакет прехранбени артикли, а веке денес ја снабди и со машини за перење и сушење алишта…. БЛАГОДАРАМ…. во моментот е се’ што би рекле за овој хуман човек со големо срце, иако знам дека е малку…
