Настаните во Македонија се менуваат како на филмска лента. Она што до скоро не можеше да се замисли, сега станува реалност. После сите судски процеси и притвори, сега Уставниот суд ја разгледува иницијативата, односно повлечената амнестија на поранешниот претседател Ѓорге Иванов.
Спорно за нив е одлуката за повлекување и доколку истата се поништи, неговата амнестија ќе стапи на сила. Со тоа, сите обвинети од прислушубаните разговори ќе бидат слободни луѓе, на чело со Никола Груевски, кој ќе може да се врати во земјава.
Можно ли е Никола Груевски да ја предводи кампањата на опозицијата на претстојните предвремени парламентарни избори во Април догодина? Хипотетички да, но сепак, и покрај неговата популарност, сега ВМРО си има нов лидер, кој за разлика од Груевски не влече никакви опашки позади себе и би било огромна грешка доколку се вклучи Груевски во кампања.
Членството во ВМРО-ДПМНЕ очекува и бара, Мицкоски да се ослободи од поранешните соработници на Груевски, пред сите од вечните функционери, Александар Николовски, Влатко Ѓорчев и Антонио Милошоски, кои носат само негативни поени на партијата.
Што ќе се случи со одлуката на уставен ќе видиме многу брзо, уште во текот на следниот месец.
