44-годишната полицајка Андреа Грифитс дала отказ откако била откриена нејзината афера со жртва на сексуално злоставување која требала да ја чува во 2015-та година.
Како што пренесува британски “Sun”, Андреа дала отказ пред сослушувањето за недолично однесување и на тој начин ги надитрила надредените со оглед на тоа што ѝ следувал сигурен отказ.
„Андреа Грифитс развила непримерен, личен однос со маж кој бил жртва на сексуално злоставување“, стои во соопштението на полицијата од Северен Велс.
Полицајката Грифитс признала дека сексуалната активност се случила додека била на должност. Меѓутоа, според нејзиното тврдење, таа и жртвата имале само еден сексуален однос, односно негира дека била во врска.
„Признавам дека имав односи со жртвата на 29-ти јуни 2015-та година. Го прифаќам грубото прекршување на законот и длабоко жалам поради тоа што се случи. За да избегнам срамење на мојата професија, дадов отказ“, изјави Андреа Грифитс на сослушувањето.
Сузан Дејвис од тамошната полиција изјави дека Грифитс ги прекршила стандардите на чесност и интегритет, па и да не дала самата отказ, сигурно ќе била отпуштена.
