„Раководството на Бугарија мора да заземе јасен став по повод обидот на Северна Македонија да постигне признавање на македонскиот јазик“.
Тоа го изјавил претседателот на партијата Атлернатива за бугарскиот препород, Румен Петков.
„Ние инсистираме на институционален став по повод на ова прашање. Ниту во ОН ниту во Европската унија нема белгиски или австриски јазик што тие земји и нивните жители нормално го доживуваат. Потребно е да се разјаснат прашањата за заедничката историја додека сè останато е беспринциелност на Борисов пред Брисел“ – изјавил Петков.
Според неговите зборови на тој начин Скопје наскоро ќе може да поставува и територијални барања.
„Територијалните претензии се само прашање на ден“ – нагласил политичарот, пренесуваат од “Спутник“.
Во почетокот на декември Македонската академија за науките и уметностите ја усвои Повелбата за македонскиот јазик во која го окарактеризираа како независен книжевен јазик кој официјално се зборува во нашата земја. Тоа предизвика остри критики од страна на Бугарската академија за науките (BAN).
„Македонец и Бугарин се два збора кои значат едно исто. Поради тоа ги повикуваме нашите браќа од другата страна на границата да не претеруваат“ – се наведува во соопштението на партијата ВМРО-Бугарска од претходната недела
