7.8 C
Ohrid
петок, ноември 27, 2020
Почетна Македонија СДСМ: ''Убедливо сме фаворит на предвремените избори на 12 април, доколку продолжиме...

СДСМ: ”Убедливо сме фаворит на предвремените избори на 12 април, доколку продолжиме вака за брзо младите ќе се вратат во Македонија”.

Translate (Eng):[gtranslate]

СДСМ убедливо води на сите анкети и е убедлив фаворит на предвремените парламентарни избори на 12 април, објави денеска владејачката партија.

– На граѓанската трибина „На прав пат“ во преполната сала Борис Трајковски граѓаните можеа да видат нов, енергичен СДСМ кој постојано се менува, со европски концепт, партија целосно мотивирана за работа во интерес на граѓаните. Со постоечката партиска екипираност и со новите луѓе, сите капацитети ги ставаме во служба на граѓаните и нивните интереси. Преку бројните активности, над 600те маалски и урбани средби, над 20те граѓански трибини низ државата, преку секојдневните посети на наши членови и активисти од врата до врата, го слушаме гласот на граѓаните, ги нотираме нивните потреби и барања и заеднички наоѓаме решенија, се вели во соопштението.

Нашите тимови, се додава во продолжение, остануваат со граѓаните.

РЕКЛАМА

– Сите забелешки и предлози внимателно ги анализираме и ги вградуваме во решенија од новата програма со која СДСМ ќе настапи на предвремените избори. Масовните посети на трибините, а особено на последната во „Борис Трајковски“ покажа дека граѓаните го препознаваат одговорниот и развоен, европски концепт што го нуди СДСМ. Таква ќе биде понудата на СДСМ и за следните избори на 12 април. Затоа СДСМ убедливо води на сите анкети и е убедлив фаворит на предвремените парламентарни избори на 12 април, се вели во соопштението.

- Реклами -