15.6 C
Ohrid
недела, април 14, 2024
ПочетнаМакедонијаПогледнете колку е моќен Македонскиот пасош?!!

Погледнете колку е моќен Македонскиот пасош?!!

Патната исправа на Македонија е рангирана на 47. место на листата на „Хенли паспорт индекс“ на „најмоќни пасоши“ за 2020 година, изработена врз основа на тоа во колку држави со нив може да се патува без виза.

Според оваа класификација, со македонски пасош може слободно без виза да се патува во 123 земји во светот.

На врвот на листата е пасошот на Јапонија, со кој без виза може да се патува во 191 држава, а потоа следува патната исправа на Сингапур, кој има безвизен режим со 190 земји, додека на третото место се Јужна Кореја и Германија, чии државјани слободно може да патуваат во 189 држави.

На листата со „најмоќни пасоши“ четврти се Италија и Финска со безвизен режим во 188 земји, петти се Шпанија, Луксембург и Данска, со чии патни исправи може да се патува во 187 држави, а шести се патните исправи на Шведска и Франција, со кои без визи може да се патува во 186 земји.

Од земјите во регионот, најдобро рангирана е Грција на осмото место, со безвизен режим со 184 земји, а потоа следуваат Словенија (11-та/безвизен режим со 180 држави), Романија (17-та/безвизен режим со 172 земји), Бугарија (18-та/безвизен режим со 171 држава), Хрватска (20-та/безвизен режим со 169 земји), Србија (39-та/безвизен режим со 133 држави), Црна Гора (46-та/безвизен режим со 124 земји), Босна и Херцеговина (52-ра/безвизен режим со 117 држави), Албанија (54-та/безвизен режим со 114 земји), Турција (55-то/безвизен режим со 111 држави) и Косово (99-то/безвизен режим со 40 земји).

Последен на листата, како 107., е пасошот на Авганистан со кој може да се патува без виза во само 26 држави, а пред него се патните исправи на Ирак (106/безвизен режим со 28 земји) и Сирија (105/безвизен режим со 29 држави).

Авторите на листата на „Хенли паспорт индекс“ за 2020 година оценуваат дека слободата на патување е во силна корелација со другите видови слободи: економската, политичката и индивидуалната и човечка слобода.

– Постои јасна поврзаност и помеѓу визната либерализација и слободата на инвестирање. Државите што се високо рангирани според слободата на инвестирање генерално имаат и помоќни пасоши – се заклучува во анализата.

Извор: МИА

spot_img
spot_img
ПОВРЗАНИ СТАТИИ

Најпопуларни

Повеќе постови

Силјановска Давкова: Химната ни е запишана во генетскиот код

Морам да кажам, Бутел го прави горд Дејан Ѓеоргиевски. Ете ја едноставната формула за гордост: Кога сте вицешампион на Олимпијада, а доаѓате од една...

Скопје блеска во новогодишен амбиент среде април

Четири и пол месеци по дочекот на Новата Година, во Скопје се уште владее новогодишна еуфорија. Причина за тоа се украсите кои се уште...

Поранешниот директор на финансиска полиција Арафат Муареми од СДСМ премина во ДУИ

Поранешниот директор на финансиска полиција Арафат Муареми од СДСМ премина во ДУИ. Оваа вест тој ја потврди на својот Фејсбук профил. „Почитувани семејства, пријатели, колеги и...

Изложба посветена на вонвременскиот охридски уметник Вангел Наумовски

Синоќа имав чест да присуствувам на изложба посветена на вонвременскиот охридски уметник Вангел Наумовски. Изложбата беше организирана од ЛК „Лихнидос“, а на неа присуствуваа...