Градските власти од Пекинг успешно тестираа кула за прочистување на воздух, град кој важи за еден од најзагадените во светот. Како што пренесуваат тамошните медиуми, воздухот во околината бил почист за 55%.
Холандскиот уметник и иноватор Дан Росегард и неговиот тим направија кула која го прочистува воздухот.
“Smog Free Tower” е кула која може да исчисти 30 илјади кубни метри по час со помош на патентиран слободен озон, јонска технологија и мала количина на зелена електрична енергија. Кулата вшмукува 75% од ПМ 2.5 и ПМ 10 честичките, а потоа испушта чист воздух наоколу, создавајќи кружна зона на чист воздух.
Откако пилот верзијата беше тестирана во Ротердам, со поддршка на Министерството за животна средина на Кина беше поставена и во Пекинг.За целосно да се затвори циклусот на отпад, собраните честички во кулата се собираат од висок притисок за да се произведе накит, а продажбата на тој накит ќе финансира изградба на повеќе кули.
Од чадот кој воглавно се состои од јаглен се добиваат дијаманти, симулирајќи го природниот процес за создавање на дијамант од јаглен. Инаку, најголемата ваква кула за прочистување на воздухот се наоѓа во кинескиот град Сиан.
