По завршувањето на проектот за инсталирање на централно греење во подрачното училиште во село Мешеишта, за време на зимскиот распуст во тек е инсталирање на централно греење и во подрачното училиште во село Требеништа, а за кој средствата се обезбедени од Буџетот на општината, распореден на Основното училиште „Дебрца“.
-Нашата заложба е до почетокот на идната учебна година сите училишта да добијат централно греење, а оние со мал број на ученици од подрачните паралелки нови грејни тела со користење на еколошки суровини за греење ( пелети ), вели градоначалникот на Дебрца, Зоран Ногачески, според кого, дотраените ќумбиња ќе бидат историја.
