На продолжението на првата седница на Советот на општина Дебрца кое се одржа вчера за нов претседател се избра Илче Алексоски од редовите на ВМРО–ДПМНЕ. За него гласаа шест советници, додека четири беа воздржани, од вкупно единаесет советници.
<
-Нашата цел е сите советници заедно да работиме и да ги носиме најдобрите одлуки за нашата општина Дебрца, за да по четири години граѓаните ги препознаат нашите заложби и реализирани проекти, рече Алексоски во своето обраќање по изборот.
Советот на општина Дебрца брои вкупно единаесет членови од кои по четири имаат ВМРО-ДПМНЕ и СДСМ, еден советник има коалицијата ЛДП-ДОМ и двајца советници од независните листи.
