Модните трендови и она што е актуелно во светот барем денес можеме да го заклучиме лесно по објавите на инфлуенсерките на социјалните мрежи.
Познатите дами веќе неколку сезони го обожаваат капутот кој на социјалните мрежи го означуваат како #teddy. Во прашање е модел кој е мек и топол, а во кој ќе изгледаме како вистински мечиња. Тие се удобни за носење, топли, меки и можат многу лесно да се комбинираат со различна гардероба.
Неодоливите „teddy bear“ капути пред неколку години ги прослави брендот „Max Mara“, а нивните модели и денес се популарни. Во тоа можевме да се увериме и неодамна кога на социјалните мрежи на профилот на „Скопје сити мол“ беше објавен еден нивен модел. Фотографијата веднаш стана вирална во цела Македонија, посебно заради превисоката цена, поради што и многумина се шегуваа.
извор:гламур
