ПРИЈАВУВАЧОТ НА ЛАЖНАТА БОМБА ВО „СИТИ МОЛ“ ЌЕ ОДГОВАРА САМО ПАРИЧНО ИЛИ СО ЗАТВОР ДО 3 МЕСЕЦИ, ЗАШТО ЗАКОНОТ НЕ ДОЗВОЛУВА ПОВЕЌЕ

Пријавувачот дека е поставена бомба во најголемиот трговски центар „Сити мол“ во скопската населба Карпош, кој го имислил настанот на 29 јануари за да се зафркава со шефот, ќе одговара само со парична или најмногу со затворска казна од три месеци. Така е пропишано во Кривичниот законик.

Обвинетиот лажен пријавувач е вработен во агенцијата што го обезбедува објектот. Момчето не само што испратило смс порака кај својот шеф дека наводно има поставена бомба, туку и учествувал во евакуацијата на вработените и купувачите во „Сити мол“.

ВРАБОТЕН ВО ОБЕЗБЕДУВАЊЕТО НА СИТИ МОЛ ПРИЈАВИЛ БОМБА ЗА ДА ГО ЗАФРКАВА ШЕФОТ, А ПОТОА ГО ЕВАКУИРАЛ ТРГОВСКИОТ
Според обвинението, лажниот пријавувач П.Ц. (20) од Скопје ќе одговара по член 366 став 4, кој ја пропишува оваа преблага казна. Нема врска што цел трговски центар беше евакуиран и што единицата за антитероризам на МВР изгубила 5 часа пребарувајќи го секој агол, пропишаната казна е таа и нема повисока.