7.9 C
Ohrid
петок, април 4, 2025
ПочетнаМакедонијаДругарите на Пино: Ангела е вистински мафијаш и организатаор на тепачки, таа...

Другарите на Пино: Ангела е вистински мафијаш и организатаор на тепачки, таа побара од Пино да стави девојче во гепекот !!

spot_imgspot_imgspot_imgspot_img
spot_img

Другарите на убиениот Пино Секондо денеска сведочеа во Кривичниот суд на судењето на Ангела Ѓорѓиевска, која е обвинета дека учествувала во убиството кое го извршил Али Фуркан, кој е во бегство.

<

Мартин Јаневски, кој бил со Пино на неговиот роденден, сведочеше дека Ангела му се јавила на Пино вечерта на роденденот. Таа го викала Пино да дојде кај нејзе бидејќи планирала тепачка со девојчиња и и требало автомобил за да стави една од девојките во гепек.

Пино на ова рекол дека нема пари и гориво да оди во Ѓорче, бидејќи било доцна навечер, а и не му се влегувало во проблеми, сведочеше Јаневски.

Мартин и Пино ги споил нивниот заеднички интерес за автомобилите, знаел некои од неговите девојки, но Ангела лично не ја знаел.

За нејзе почнал да се распрашува кога слушнал дека Пино исчезнал откако негов другар му кажал дека Пино можно е да бил со “ќоравата од Ѓорче”, надимак кој го користеле за Ангела. Мартин почнал да се распрашува, и пишал на Ангела на Фејсбук и потоа се слушнале на телефон, но таа му одговорила само дека Пино бил вечерта кај нејзе на цигара и си заминал. Истиот ден Мартин ја прашувал Ангела и други информации за Пино, но таа рекла дека не знае ништо повеќе и го блокирала на социјалната мрежа Фејсбук.

-Ми изгледаше чудно што не сакаше да помогне да го најдеме. Таа звучеше смирено, спокојно и тотално незаинтересирано, рече Мартин.

Како што растеле сомнежите за Ангела, Мартин почнал да се распрашува по луѓе за нејзе.

-Едно девојче кое учело заедно во основно училиште со Ангела ми рече дека е многу ризично човек да се дружи со Ангела, бидејќи е спремна на се, па и на убиство, рече Јаневски.

За нејзиното друштво дознал дека биле уживатели на психотропни супстанци, дроги и се движеле во такви кругови.

Девојката на Мартин се распрашувала исто така преку заедничка пријателка, на која Ангела и порачала “зошто се распрашувате за мене, јас сум чиста, ширите навреди за мене”. Таа не сакала да прифати средба со другарот на Пино бидејќи немало што да разговараат.

Пред судот сведочеше и уште еден другар на Пино, Божидар Спасовски кој рече дека со Пино биле како браќа.

-Беше прекрасен човек и незаменлив, рече неговиот другар. Пино му ја имал покажано Ангела на слика, но во живо не ги видел.

Со овие сведочења заврши испитувањето на сведоци предложени од обвинителството и почна изведувањето на материјалните докази. Меѓу доказите беше прочитано и едно писмо на 11 страници со потпис Сатана, како што Ангела се потпишувала на Фејсбук.

Пино со месеци се водеше како исчезнат, а потоа случаен минувач најде остатоци од неговото тело. За неговото убиство обвинет е Али Фуркан, кој е во бегство, а на обвинителна клупа е Ангела, која е обвинета дека го намила Пино да дојде била присутна на неговото убиство и заедно со Фуркан го закопале телото.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Лишен и задржан во Полициска станица возачот кој со мопед удри дете и избега

Лишен и задржан во Полициска станица возачот кој со мопед удри дете и избега, ќе биде поднесена кривична пријава Во врска со видеото кое беше...

Кривична за тројца полицајци: Без судски налог влегле во приватен стан при што сакале на сила да го проведат сопственикот.

Одделот за внатрешна контрола, криминалистички истраги и професионални стандарди против полициските службеници М.Т., С.Р. и Ф.Ѓ. поднесе и предлог за поведување на постапка за...

Црвениот крст: Собрани околу 2 милиони евра за помош на семејствата на повредените и починатите во Кочани

Црвениот крст денеска ја изврши и втората исплата за поддршка на семејствата на повредените и починатите во трагичната несреќа во Кочани. Од таму информираат...

Видео кое ја потресе Македонија! Качени на веспа удрија дете и побегнаа. (Видео)

Видео кое ја потресе Македонија! Качени на веспа удрија дете и побегнаа. Видеото е направено во текот на вчерашниот ден и најверојатно се работи за...