Нови 39 патници се заразени со корона вирусот на јапонскиот крузер кој е ставен во карантин во јапонското пристаниште Јокохама. Со тоа вкупниот број на заболени од опасниот вирус се искачи на 174 лица.
Тројца македонски државјани кои што се наоѓаат на овој брод се во добра здравствена состојба. Во бродот има околу 3.700 патници и членови на екипажот кои ќе биде во карантин до 19 февруари.
Инаку, кинеските власти соопштија дека во понеделникот биле забележани 97 смртни случаи од коронавирусот со што бројот на починати изнесува 1.113. Бројот на заразени од смртоносниот вирус е околу 44.640 луѓе, односно за над 2.000 помалку. Тоа е втор ден со регистриран пад на заразените со коронавирусот. Светската здравствена организација овој вирус го именува како КОВИД-19 и побара од сите земји заеднички да работат против „смртоносната опасност“. Стапката на смртност од овој вирус е два насто.
