6.3 C
Ohrid
вторник, ноември 24, 2020
Почетна Македонија Докторите давале се од себе да го спасат 14-годишното девојче, кое од...

Докторите давале се од себе да го спасат 14-годишното девојче, кое од раѓање боледувало од хронична енцефалопатија

Translate (Eng):[gtranslate]

Детето од раѓање боледувало од хронична енцефалопатија, која дополнително го зголемила ризикот за ваквиот исход од инфекцијата…

Неделава има 3.600 новозаболени од грип што е најмногу досега, а вкупната бројка дистигна 10.700. Засега нема потреба за затворање на училиштата за да се спречи ширењето на грипот, велат здравствените власти.

Првата жртва од грипот во земјава е 14-годишно девојче, потврди д-р Гордана Кузмановска, епидемиолог во Институтот за јавно здравје, по информацијата добиена од Клиниката за детски болести, каде што вчера починало девојчето.

РЕКЛАМА

Детето од раѓање боледувало од хронична енцефалоптија, која дополнително го зголемила ризикот за ваквиот исход од инфекцијата.

Во моментов има 17 хоспитализирани деца, суспектни и болни од грип. Меѓу заболените има и потешки случаи и најчесто тоа се мали деца, лица со хронични заболувања и повозрасни лица.

Кузмановска потенцира дека со оглед на тоа дека сезоната почна две недели порано годинава, вкупниот број заболени е за 60 отсто поголем од вкупниот број заболени во изминатата сезона.

– Имаме голем број тестирани во нашата лабораторија за вирусологија и молекуларна дијагностика. Вкупно 108 материјали се тестирани од кои дури 69 се позитивни (64 проценти). Во ист процент се и инфлуенца А и инфлуенца Б изолатите. Најчесто заболуваат лица на возраст над 65 години, а зафатеноста оваа недела од децата на возраст до четири години сега се преместува кај децата на училишна возраст односно на возраст од пет до 19 години. Инциденцата е највисока кај овие популациони групи. Вкупниот број заболени од сезонски грип оваа сезона изнесува над 10.700 заболени, рече д-р Кузмановска.

Одговарајќи на новинарско прашање таа истакна дека затворање на училиштата и на други институции каде има групирање на население од различни возрасни категории е една од мерките која е на располагање на јавно здравствените авторитети, меѓутоа засега не е донесена таква мерка, што не значи дека во иднина нема да има потреба да се донесе.

– Ја следиме состојбата да видиме недела, две како ќе се движи и доколку има потреба ќе биде преземена и оваа или некоја друга мерка која здравствените авторитети ќе сметаат дека е соодветна, додаде д-р Кузмановска.

Сезоната на грип е во полн ек, а најмногу на удар се децата. Температура и силна кашлица која трае подолго време се симптомите кои ги мачат пациентите. Болниците регистрираат зголемен број на болни со симптоми на грип, но посериозни случаи се задржани на Клиниката за инфективни болести од кои двајца пациенти се во одделот за интензивно лекување.

Девојчето имало и други заболувања, наведуваат лекарите.

слободен печат

- Реклами -