7.9 C
Ohrid
петок, декември 4, 2020
Почетна Свет 100 евра помош за Кина од Корони, да се справи со Корона...

100 евра помош за Кина од Корони, да се справи со Корона вирусот.

Translate (Eng):[gtranslate]

Малата островска држава Комори и донираше на Кина симболични 100 евра за да и помогне во борбата против ширењето на коронавирусот.

Церемонијата на врачување на донацијата се одржа во главниот град Морони во почетокот на јануари, но за тоа последниве денови известуваа само локалните медиуми, пишува РТ.

Делегацијата предводена од Ахамад Мса М’лива му врачи симболична сума од 100 евра на кинескиот амбасадор за набавка на заштитни маски.

РЕКЛАМА

„Ние ги знаеме капацитетите и средствата на Кина, но со овој гест сакавме да му покажеме на кинескиот народ колку се загрижени Коморијците“, рече М’лива.

М’лива, исто така, ги пофали кинеските власти за нивната одлична комуникација и соработка со меѓународните организации за време на борбата против ширењето на коронавирусот.

Комори е островска држава во јужна Африка. Се наоѓа во Мозамбичкиот канал помеѓу островот Мадагаскар и африканското копно.

Кина беше првата земја што ја призна малата островска нација од 850.000 жители откако таа стана независна од Франција во 1975 година.

Бројот на заразените од коронавирусот, кој сега доби и официјално име „Ковид-19“, во Кина достигна 44.653, а бројот на починатите се искачи на 1.113, соопштија денеска властите во Пекинг.

Во последните 24 часа, 97 лица починале од коронавирусот, а пријавени се нови 2.015 случаи.

мкд.мк

- Реклами -