Еден маж од Јапонија цела година ги чувал остатоците од своите исечени нокти за потоа тој материјал да го претвори во „дијамантски“ прстен.
Всушност, тој има свој канал на Јутјуб каде што прави видеа за изработка на предмети. За ова видео, тој собирал нокти 365 дена и ја снимил постапката за нивното претворање во накит.
Собраните нокти ги сомелел во блендер, а потоа уште еднаш во посебна мелница за да добие форма на прав. Потоа тој прав го ставил во тава со вода и ја мешал на загреана плоча. Откако ја добил посакуваната смеса, ја ставил во печка. Од печката излегла смеса која наликувала на темна глина. Потоа таа смеса ја ставил во калап во форма на дијамант, а потоа ја ставил во сребрен прстен.
Готовиот производ бил прстен со црн камен. На прв поглед ретко кој може воопшто и да претпостави од што е направен тој прстен.
Секако, за некои ова делува одвратно, но е дефинитивно чудно и необично. Погледнете го целиот процес во видеото.
