6.9 C
Ohrid
петок, април 19, 2024
ПочетнаМакедонијаВидео: Актерката Исаура од „Преспав“ вратена од скопскиот аеродром

Видео: Актерката Исаура од „Преспав“ вратена од скопскиот аеродром

Актерката Емра Куртишова јавноста ја запозна како Исаура во ТВ серијата „Преспав“ била вратена од скопскиот аеродром. Имено, таа изјави дека планирала да патува кај нејзината сестра во Германија и таму да остане до 27 август.

Емра раскажа дека имала уреден повратен авиобилет и потврда од театарот каде што работи, но на пасошка контрола и го оспориле гарантното писмо и тоа дека парите што ги носела со себе не биле доволни за престој.

„Им го дадов гарантното писмо, но беше копија, зашто градот каде што живее сестра ми не издава гарантни писма бидејќи е туристичко место“ – изјави Куртишова.

Актерката истакна дека не добила ниту некаков официјален документ зошто е вратена. Таа изјави дека во текот на следните денови ќе се јави и ќе побара објаснување кај сите надележни институции.

„Суштината е чиста дискриминација… Очигледно беше дека човекот бара влакно во јајце. Имаш ли гарантно писмо – велам имам, имаш ли потврда од работа – имам, имаш ли кеш? – имам 500 евра. Ми вели, тоа е многу малку. Значи според нив требало да имам 50 евра од ден. Дали требаше да патувам со 4000 евра, а во гарантното писмо кое што воопшто не го ни прочита службеникот, пишува дека финансиски ќе ме издржува сестра ми – изјави Куртишова.

Од МВР велат дека никогаш не постапувале селективно со македонските граѓани, без разлика на која групата припаѓаат.

„Во конкретниот случај на лицето не му е дозволен излез од РМ согласно чл 15 ст 4 од законот за гранична контрола. Имено по извршената пасошка контрола и проверката во евиденциите надлежниот полициски службеник извршил разговор околу целта и мотивот за патувањето. Истата појаснила дека патува во посета на роднини и планира да остане до 27 август за што приложила и повратен авиобилет. Сепак немала доволно парични средства во однос на планираниот престој односно покажала 450 евра. Не поседувала ниту хотелска резервација ниту пак соодветно гарантно писмо. Секојдневно МВР се соочува со слични проблеми најмалку по неколку македонски државјани кои ги враќаат од границите на членките на ЕУ заради фактот дека не поседуваат доволно парични средства. Имено во просек членките на ЕУ бараат околу 50 евра дневно“ стои во соопштението на МВР.

Инаку, во четвртата сезона на серијата „Преспав“ Емра Куртишова ја имаше улогата на Исаура – помошничката во пансионот.

spot_img
spot_img
ПОВРЗАНИ СТАТИИ

Најпопуларни

Повеќе постови

Боки 13 тврди дека Камчев и Русковска знаат каде е милионот од Луи Витон торбата од „Рекет“

Бојан Јовановски во јавноста познат како Боки 13 денес на прес-конференција пред Основниот кривичен суд Скопје рече дека бара фер, а не хистерична и...

Се истепале професорки во средно училиште во Битола

Вчера во СВР Битола, 28-годишната Х.Т. од Битола пријавила дека во средно училиште во Битола била физички нападната од нејзината колешка Ј.Н., соопшти МВР. Од...

Се огласи Паљото од Битола: Лажно сум пријавен дека сум пукал со воздушна пушка во бездомно куче од тераса

Зоран Лазаревски – Паљо, познат фитнес тренер и бодибилдер, како и поранешен кандидат за градоначалник на Битола, за „Слободен печат“ вели дека лажно е...

Малолетно момче заедно со неговиот татко натепале полициски службеници со метален предмет !!

Шеесет и четиригодишен кумановец и неговиот малолетен син биле приведени вчера откако со метален предмет нападнале полициски службеници. На 18.04.2024 во 00.35 часот во Куманово,...