15 C
Ohrid
четврток, септември 24, 2020
Почетна Свет ОБЈАВЕНИ ГРОЗОМОРНИ ДЕЛОВИ ОД МАНИФЕСТОТ НА УБИЕЦОТ ОД ГЕРМАНИЈА

ОБЈАВЕНИ ГРОЗОМОРНИ ДЕЛОВИ ОД МАНИФЕСТОТ НА УБИЕЦОТ ОД ГЕРМАНИЈА

Translate (Eng):[gtranslate]

ерманскиот министер за внатрешни работи Хесе Питер Беут изјави дека мотивот на нападот во Ханау е ксенофобија и дека 43-годишниот напаѓач Тобијас Р. и неговата мајка биле пронајдени мртви со прострелни рани во неговиот дом.
Во Ханау, град источно од Франкфурт, девет лица загинаа во средата вечерта кога напаѓачот изврши два вооружени напади во наргиле барови.

Според весникот Билд, напаѓачот најпрво убил три лица пред барот Миднајт и ранил едно лице. Потоа отишол во населбата Кеселштат, каде упаднал во Арена, друг бар од ист тип, при што убил уште пет лица, а повредил четворица други. Едно лице почина во болница, така што бројот на загинатите се зголеми на девет.

Полицијата после тоа го открила телото на 72-годишна жена, негова мајка и телото на напаѓачот во станот и верува дека сам си го одзел животот.

РЕКЛАМА

Напаѓачот, според Беут, е Германец.

Сторителот досега немал екстремистички испади и бил член на локално стрелачко друштво кое му овозможило легално да поседува оружје.

Тобиас Р. остави зад себе манифест од 24 страници и неколку видеа во кои се опишува неговиот живот.

Делови од манифестот ги објавија германските медиуми, покажувајќи дека напаѓачот бил екстремен десничар кој имал психолошки проблеми.

Стручњакот за тероризам Перет Р. Нојман го опиша како личност што ги мрази сите странци кои не се белци.

„Дури и кога директно не се споменува исламот, манифестот повикува на уништување на разни држави во Африка, Блискиот исток и Азија (кои се претежно муслимански)“, се наведува во деталите за манифестот Нојман.

Напаѓачот кажува дека е роден 1977 година и студирал деловна администрација во Бајерут. Ги мразел сите мигранти, без оглед од каде потекнуваат.Тој ги оправда своите постапки со образложение дека „науката докажува дека некои раси се супериорни во однос на другите“ и често споменува целосна елиминација на некои етнички групи, особено оние во Африка, Азија и Блискиот исток. Манифестот има и список на луѓе кои мора да бидат уништени, претежно муслимани.

“Ако сакате да го решите проблемот со странските криминалци, не треба да ги напаѓате надворешните непријатели, туку да ги победите внатрешните непријатели. А тоа може да биде и вашиот народ”, пишува во манифестот и додава: “Не секој што има германски пасош денес е чистокрвен, треба да се елиминира половина од населението”.

Тобијас Р. исто така ги мразел жените.

По сопствено признание, тој не бил во врска со жена веќе 18 години и тврди дека тоа било единствено негова одлука.

Во манифестот се вели дека тој никогаш немал девојка затоа што ниту една не била доволно добра за него. “Никогаш не доаѓаше во предвид да бидам со многу жени, да бидам во врска со некоја која не е убава и со која се разбирам колку-толку. Сакав да го имам најдоброто или ништо”, пишува убиецот.

- Реклами -