10.9 C
Ohrid
четврток, април 3, 2025
ПочетнаМакедонијаБОКИ БАРА УКИНУВАЊЕ НА ПРИТВОРОТ- ветува нема да бега

БОКИ БАРА УКИНУВАЊЕ НА ПРИТВОРОТ- ветува нема да бега

spot_imgspot_imgspot_imgspot_img
spot_img

По денешното завршување на сведочењето на адвокатот Васил Димишков на судењето за случајот „Рекет” адвокатот на Бојан Јовановски побара од судијката Васка Николовска-Масевска да му биде определена поблага мерка за определување на присуство во текот на судската постапка со образложение дека тој нема да бега, како и дека тоа му е потребно поради здравствената состојба
Одбраната на Јовановски посочи дека освен од судечкиот совет кој постапува во случајот „Рекет“, барање за укинување на мерката притвор поднеле и до Кривичниот совет при Основниот суд, но од таму не добиле одлука. Судијката Николовска-Масевска посочи дека ќе почека советот да донесе одлука, па потоа на следното закажано рочиште за „Рекет“ ќе се произнесе за предлогот.

<

Јовановски на денешното рочиште рече дека среќен е што му било соопштено дека нема повеќе малигнитет, но дека од друга страна за комплетно заздравување му бил препорачан хигиенско-диететски режим кој не можел да се спроведе во затворски услови.

„ Мојата здравствена состојба стана шпанска серија. Лица со поголема криминална историја се шетаат на слобода, а вие над мене диктирате правда. Во затворот каде што сум сега нема услови за хигиенско-диететскиот режим што ми е препорачан. Никогаш не сум сакал да бегам. Образложението дека немам оформено семејство не е издржано бидејќи тоа е мој личен избор и сметам дека во тој поглед сум дискриминиран. Исто така и за тоа дека не сум во редовен работен однос сум дискриминиран, бидејќи јас сум сопственик на повеќе трговски марки и сум раководел со 1 ТВ, каде чест гостин беше и оваа обвинителка овдека. Сметам дека со овие образложение зошто сум во притвор се крши Уставот кој вели дека не смее да има дискриминација. Давам целосно ветување дека ќе бидам корисен во овој трагичен кривично-правен предмет трагично наречен „Рекет““, рече Јовановски пред судот на моменти гестикулирајќи одредени потези и имитирајќи ја Русковска.

На ова реагираше Русковска која гласно извика дека полицијата не го најде Јовановски во библиотека, туку го уапси на граница и дека воопшто не треба да се размислува за тоа да му се укине мерката притвор. Обвинителката посочи дека на обвинетиот Јовановски треба да му се укаже дека се наоѓа во суд, а не во театар.

На ова тој и возврати на Русковска со зборовите: „ Не треба да ги слушаме вашите гласовни способности и колку можеш да се дереш“.

Јовановски дополни и дека можеби ако ги посочел Јанева и Милевски како виновници, ќе добиел позитивно мислење од обвинителката, како што таа направила со Кичеец кој беше пуштен од притвор во куќен притвор уште пред да почне судската постапка.

На Јовановски мерка притвор му беше определена од 15 јули, 2019 година, а според последните решенија му се продолжува поради опасност од бегство.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Кривична за тројца полицајци: Без судски налог влегле во приватен стан при што сакале на сила да го проведат сопственикот.

Одделот за внатрешна контрола, криминалистички истраги и професионални стандарди против полициските службеници М.Т., С.Р. и Ф.Ѓ. поднесе и предлог за поведување на постапка за...

Црвениот крст: Собрани околу 2 милиони евра за помош на семејствата на повредените и починатите во Кочани

Црвениот крст денеска ја изврши и втората исплата за поддршка на семејствата на повредените и починатите во трагичната несреќа во Кочани. Од таму информираат...

Видео кое ја потресе Македонија! Качени на веспа удрија дете и побегнаа. (Видео)

Видео кое ја потресе Македонија! Качени на веспа удрија дете и побегнаа. Видеото е направено во текот на вчерашниот ден и најверојатно се работи за...

Мицкоски побара МВР и Финансиска да ја „тресе“ Левица оти купила евтин деловен имот за 295.000 евра.

Премиерот Христијан Мицкоски, одговарајќи на прашање на лидерот и пратеник на Левица, Димитар Апасиев, обвини дека купил деловен простор по ниска цена а во...