„Растодер“ тврди дека се цел на злоупотреба од страна на криминален картел. Вака се огласи сопственикот на фирмата од Словенија , чиј бренд беа бананите во кои македонската полиција заплени килограм кокаин.
„Криминален картел нѐ злоупотреби. Веќе подолг период меѓународни криминални организации прават злуоупотреби на трговските рути од Јужна Америка за нивните противзаконски активности“, соопштуваат од „Растодер“.
Во скопски Крушопек пред два дена полицијата заплени еден килограм кокаин кој што беше скриен во кутии со банани, а медиумите во Словенија пренесоа дека бананите кои се увезени до Јужна Америка требало да завршат во Италија, патувајќи преку неколку балкански земји.
Од словенечката компанија меѓудругото додаваат дека притворените во Македонија не се поврзани со неа а „Растодер“ била само една од фирмите злоупотребувани од шверцерите на дрога.
Во рамки на акцијата првично уапсени беа четворица, од кои двајца се ослободени. Истрагата одреди притвор за едно лице додека за второто е побарана мерка обезбедување на присуство.
фактор
