7.9 C
Ohrid
петок, април 4, 2025
ПочетнаМакедонијаВладата одлучи да купи сапун за училиштата и градинките за борба...

Владата одлучи да купи сапун за училиштата и градинките за борба против Корона вирусот

spot_imgspot_imgspot_imgspot_img
spot_img

Владата на денешната седница му наложи на Министерството за здравство (МЗ) итно да набави соодветна количина сапун и дезинфекциски средства за училиштата, детските градински и јавните тоалети.

<

Истовремено ги задолжи сите основни и средни училишта, како и сите универзитети да ги одложат сите предвидени патувања и екскурзии во Италија, но и да се организираат едукативни часови за превенција од корона вирусот. Кон установите за згрижување на деца од предучилишна возраст упати препорака да преземат мерки за соодветен третман за дезинфекција на обувките при влегување во градинките.

Алармот за потребата од превентивни мерки за заштита од коронавирусот доаѓаат по сознанијата за голем број заболени во северниот дел на Италија. Вчеравечер на Инфективната клиника во Скопје се пријавил  италијански државјанин со сомнеж за коронавирус, но тестовите биле негативни. Негативен е тестот и кај вториот пациент, кој по шестдневен престој во Дубаи пристигнал во земјава, а кој денеска беше примен на Инфективната клиника во Скопје, соопшти денеска министерот за здравство Венко Филипче.
Филипче претходно упати апел до граѓаните доколку немаат потреба да ги одложат патувањата во регионот на Северна Италија, а додава дека веќе е воведена контрола на сите патници кои доаѓаат во нашата земја.

„На граничните премини се отстапуваат посебни простории каде ќе бидат интервјуирани сите патници кои доаѓаат од ризичните дестинации и ќе се врши првичен скрининг на нивната здравствена состојба“, соопштија од МЗ.

На Скопскиот аеродром, поставена е термална камера со која се следат сите патници кои пристигнуваат, додека на аеродромот во Охрид со безконтактен пиштол за мерење на телесната температура се прави скрининг на патниците кои пристигаат од ризични дестинации.

Патниците кои што доаѓаат од критичниот регион во Северна Италија, се упатуваат и пропуштаат само на неколку гранични премини и тоа: Богородица, Блаце, Деве Баир на Табановце и Ќафасан.

„Доколку има некој заболен со корона вирусот, тој се спроведува по соодветен пат од Здравствениот дом во Скопје со подготвен тим до Инфективната клиника во Скопје, каде постои еден дел за изолација, односно доколку е потребен и карантин. Доколку има патници коишто треба да се опсервираат и да се пратат, за тоа се подготвени инфективното одделение во Клиничката болница во Штип, како и инфективните одделенија во болниците во Велес и во Гостивар, по потреба, во зависност од тоа колку граѓани ќе треба, ако воопшто треба да се опсервираат“, информираше министерот Филипче.

Вирусот за прв пат се појави во декември минатата година во Кина, каде досега починале околу 2.664 луѓе, додека над 80.000 луѓе низ светот се заразени.

 

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Од МВР велат дека џипот Порше не е на полицаец !!!

Возилото не е на полициски службеник, велат од МВР за 4NEWS.mk откако утрово на друштвените мрежи се прошири видео од Дебар Маало како се...

Тетовец и малолетничка се повредени откако автомобил синоќа излета во водите на Вардар

Тетовец и малолетничка се телесно повредени откако автомобил синоќа излета во водите на Вардар во тетовско. Од полицијата информираат дека случајот е пријавен во...

Пајак служба одбива да крене службено „Порше Кајен“ на полицаец во Дебар Маало. (Видео)

Граѓани издејствуваа пајак службата да земе возило неправилно паркирано пред ресторан во скопско „Дебар Малоо“. По повеќеминутна расправија со вработените кои првично не сакаа...

Александар Карадаковски имал 40% изгореници по телото, бубрезите му откажувале а добил и тешка инфекција.

Министерот за здравство Арбен Таравари ја потврди веста за смртта на 60-тиот починат од дисокотеката „Пулс“ во Кочани. Министерот информираше дека овој пациент бил...