17.7 C
Ohrid
сабота, јуни 7, 2025
ПочетнаМакедонијаKавадарчанката Славица Димова родена е пред 28 години, а денес го слави...

Kавадарчанката Славица Димова родена е пред 28 години, а денес го слави седмиот роденден

spot_imgspot_imgspot_imgspot_img
spot_img

Кога била мала, всушност не била свесна за овој интересен податок околу нејзиното раѓање.

<

Kавадарчанката Славица Димова Вареловска е меѓу ретките во државава што со нетрпение го чекаат 29 февруари, бидејќи полни 28 години, а го слави седмиот роденден. Годинава е престапна, па сите што дошле на свет последниот ден од месецот имаат посебна причина за славење.

– Годинава имам можност да си го славам роденденот токму на денот кога сум родена. Kога годините не се престапни, роденденот го одбележувам на 28 февруари. Но, никој од моите блиски не ми го признава тој датум за роденден, па ми честитаат дури на 1 март, открива дипломираната економистка.

Кога била мала, всушност не била свесна за овој интересен податок околу нејзиното раѓање.

– Дури кога го славев вистинскиот четврти роденден, кога наполнив 16 години, тогаш малку се замислив, ми дојде интересно, си велам на секои четири години роденден. Дотогаш не ми беше датумот на раѓање некоја голема возбуда или нешто посебно интересно. Тогаш си реков, е па добро е по нешто да се разликуваш од другите. Тоа го прифатив на 16. роденден, како тинејџер, вели Димова Вареловска.

Тогаш ги сфатила своите родители кога ѝ објаснувале за раѓањето на бележит ден. А ѝ кажувале дека биле многу среќни кога се родила. Низ годините, сите што ја запознавале, се чуделе на нејзиниот датум на раѓање, па јавно прашувале да не е можеби некаква грешка при запишувањето на денот кога е родена. Kога сфаќале дека не е шега, велеле оти се среќни што првпат среќаваат некој посебен, роден на тој ден.

– На кој и да му кажам кога сум родена вели – супер, на секои четири години славиш роденден. Некои се смеат и веднаш ме прашуваат како го славиш роденденот. Но, се случува и да се зафркаваат со мене, да ми велат дека сум малолетна и да ме прашуваат што барам со нив јас толку мала. Немој да пробуваш алкохол, коментираат за мојата малолетност. Па ми велат ќе ми подареле играчка оти сè уште сум била мала. Kога наполнив 16 години, другарките ме изненадија со торта со бројот 4, во согласност со мојот четврти роденден. Пред четири години, од нив добив прекрасен подарок, мојот лик изработен од дрво и натпис среќен шести роденден, раскажа младата кавадарчанка.

Ја прашавме дали знае за иницијативата во светот да се смени календарот со цел да нема вакви проблеми со времето.

– Искрено не би сакала да се случи тоа. Би сакала да остане како што е. Интересно е вака, мислам дека со причина сум родена на тој датум. Верувам дека сум посебна на некој начин, дека мојот датум на раѓање е дар од Бога, благодат, сигнал. Ми се чини дека има некоја магија, таинственост, симболика, но сè уште ја немам откриено тајната. Се надевам дека има нешто во фактот што сум родена токму тогаш, а не во друг ден. Јас сум една од редот на ретките, избраните, посебните и свесна сум за тоа. Многумина ми рекле дека сакаат да се на мое место, вели Димова Вареловска.

Таа и за овој роденден, како и досега, нема посебни желби, сака само да си помине убаво и да го памети седмиот роденден, кој го прославува како среќна ќерка, сестра и сопруга. Има и предлози за оригинална прослава во игротека, со јунаци од цртаните филмови.

– Не сум полнолетна уште. Полнам седум години, а веќе работам, се смее Димова Вареловска.

Барала и други лица родени на 29 февруари, но потрагата оди тешко. Сака да запознае луѓе што се родени на 29 февруари во високосна година, како што велат тиквешани.

– Би било убаво да се дружиме и да организираме различни настани како што се прави во светот. Во некои од земјите, како што можеме да видиме преку интернет, се реализираат посебни збиднувања за луѓе родени на последниот ден на февруари во престапна година, како крстосување или слично, додава Димова Вареловска за МИА.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Наместо да лекува – Бујар Османи на работа гледа фудбал Албанија–Србија

Наместо да лекува – Бујар Османи на работа гледа фудбал Албанија–Србија Поранешниот министер за надворешни работи, Бујар Османи, кој сега повторно работи како лекар, на...

Не дочека да се израдува на оваа вест: Сопругата на Игор Југ на свет донесе здраво машко дете

Во сенка на голема лична и семејна трагедија, семејството на уставобранителот Игор Југ, кој почина откако беше осуден за настаните од 27 април, доби...

Дрвокрадци уништија возило на шумската полиција

Дрвокрадци со директен судар го уништија службениот Дастер на Шумската Полициска Станица во Прилеп – напиша вечерва на социјалните мрежи заменик директорот на Македонски...

Ема Блажеска и Карина Хил – новите ѕвезди во новиот филм „Охридски Лудории”!

Уште само четири епизоди не делат од премиерата на македонскиот хит-филм Охридски Лудории! Денес успешно заврши уште едно незаборавно снимање, полно со смеа, позитивна...